Nos servisionan

Tèstnan di laboratorio ta esensial pa siensia di medisina modèrno. Prueba eksistensia di un malesa no ta responsabilidat di un profeshonal médiko so; ta responsabilidat di un tim di diferente paramediko profeshonal ku ta hopi kompetente riba diferente area. E tim aki ta komprometé pa yega na e mihó konklushon posibel pa loke ta trata kondishon di salú di e kliente.

Laboratorio médiko ta hunga un ròl sentral den e lucha aki. E fail di un kliente ta yen di resultadonan di tèstnan di laboratorio, inkluyendo algun klíniko i algun radiologiko. E resultadonan aki ta di suma importansha den determinashon di un diagnostiko i tratamentu di un malesa.

E asistente di laboratorio na MLS ta usa lo ultimo den moda na ekipo- i instrumentunan automatisá pa e por hasi e tèstnan nesesario.

Banda di esaki, MLS ta imbertí kontinuamente den edifikashon di nos empleadonan. Asinaki MLS ta garantisá ku e tèstnan ku ta keda hasí diariamente i nan resultado ta wòrdu produsí i interpretá basá riba e ultimo métodonan.

E tékniko médiko ta responsabel pa mantenshon di e ekiponan. Kòntròl diario ku ta basá riba standartnan internashonal ta garantisá resultadonan di tèst konfiabel i korekto den un término di tempu aseptabel di forma ku un eventual tratamentu por kuminsá sin tardansa.